КТЖ мен Huawei Қазақстан темір жолдарын цифрландыру туралы келісті
Қазақстандық теміржол компаниясы мен қытайлық технологиялық алып LTE-R, жасанды интеллект және киберқорғаныстың жаңа жүйелерін енгізуді жоспарлап отыр.
«Қазақстан темір жолы» ҰК АҚ басқарма төрағасы Елжас Отыншиев Huawei компаниясының корпоративтік сату жөніндегі аға вице-президенті Лео Ченмен кездесті. Тараптар ынтымақтастық қорытындыларын шығарып, одан әрі жұмыс бағыттарын айқындады.
Жоспарларда — нақты уақыт режимінде байланыс пен басқару үшін LTE-R технологиясын енгізу, процестерді оңтайландыру үшін жасанды интеллектті пайдалану, сондай-ақ киберқорғанысты күшейту.
Келісімдер Қазақстанның теміржол саласының цифрлық инфрақұрылымын дамытуға бағытталған.