Былтыр Қазақстан шекарасынан 11,7 млрд теңгені заңсыз алып өтпек болған
2023 жылы шекара кеңістігінде Қазақстанның заңнамасын бұзған 35 487 азамат, соның ішінде 1094 шетел азаматы ұсталды, деп хабарлайды Ұлттық қауіпсіздік комитетінің баспасөз қызметі.ҰҚК Шекара қызметі мемлекеттік шекара арқылы заңсыз алып өтудің 8 026 фактісінің алдын алды:444 факті – есірткі заттары, жалпы салмағы 1 тоннадан асады;389 факті – қару-жарақ пен оқ-дәрі (36 атыс қаруы, 986 оқ-дәрі, 4 001 суық қару, 125 арнайы құралдар);279 факті – діни әдебиеттер (7 103 дана);3 112 факті – жалпы сомасы 213 млн теңгеден асатын жанар-жағармай (429 107 литр);2 986 факті – жалпы сомасы 12,4 млрд теңгеден асатын халық тұтынатын тауарлар;816 факті – жалпы сомасы 11,7 млрд теңгеден астам валюта.Сондай-ақ Каспий акваториясында 384 браконьерлік фактісінің жолы кесілді:жалпы ұзындығы 738 км торды құрайтын браконьерлік аулау құралдары;3 463 дана (20 276 кг) бекіре тұқымдас балық;45 332 дана (67 899 кг) ұсақ тұқымдас балық;23 250 дана (10 238 кг) шаян тұқымдастар.Осылайша шекарашылар 7 млрд теңгеден астам залалдың алдын алды.Барлық материал заңбұзушыларды жауапқа тарту үшін құқық қорғау және сот органдарына жіберілді.
