Қазақстан қаржыгерлерінің конгресінде «Цифрлық теңге» жобасы іске қосылады
Алматыда республиканың ұлттық валюта мерейтойына орайластырылған «Теңге: әлемдік нарықтарға апаратын жол» атты Қазақстан қаржыгерлерінің конгресі жұмысын бастады.Конгресте «Цифрлық теңге» жобасының бірінші кезеңін іске қосу жоспарланған, деп хабарлайды Sputnik Қазақстан Қазақстан Ұлттық банкінің төрағасы Тимур Сүлейменовтың сөзіне сілтеме жасап.Ол соңғы бес жылда қолма-қол ақшасыз төлемдерді ілгерілетуде, қаржылық қызметтерді цифрландыруды қамтамасыз етуде едәуір жетістіктерге қол жеткізілгенін айтты. Күн сайын ұлттық төлем жүйесі арқылы ондаған миллиард теңгеге миллиондаған транзакцияға қызмет көрсетіледі. Банктердің мобильді қосымшалары арқылы мемлекеттік қызметтер электронды түрде көрсетіледі.Сүлейменов президент Қазақстан халқына Жолдауында алдағы жылдарға арналған дамудың негізгі басымдықтарын белгілегенін еске салды, ол:банк секторын одан әрі дамыту,экономиканың нақты секторын қаржыландыруды арттыру,қаржы ресурстарын бөлудің тиімді арнасы ретінде қор нарығын қалыптастыру,банктік емес секторды және экономиканы қаржыландырудың баламалы көздерін дамыту.Тимур Сүлейменовтың айтуынша, Ұлттық банк реттеуші ортаны және қаржылық инфрақұрылымды жетілдіреді.»Сыртқы капитал нарықтарымен байланыс арналарын күшейтеміз. Қазақстанның қор биржаларының әлеуетін біріктіреміз. Біз қаржылық технологияларды жан-жақты қолдаймыз. Өңірлік қаржы орталықтары ретінде Алматы мен Астананы дамытуды жалғастырамыз», — деді ол.Тимур Сүлейменов Ұлттық банк ұлттық валюта ноталарының жаңа сериясын ұсынатынын айтты.Конгресс ұлттық валюта күніне және Қазақстан қаржыгерлерінің кәсіби мерекесіне орайластырылған.Іс-шараны Қазақстан қаржыгерлерінің қауымдастығы Қазақстан Ұлттық банкі мен Қаржы нарығын реттеу және дамыту агенттігінің қолдауымен ұйымдастырды.
