Алматыдан Дохаға әуе рейстері артады
Енді Qatar Airways әуе компаниясы Алматы – Доха бағыты бойынша күніне екі рет ұшады, деп хабарлайды Азаматтық авиация комитеті.Биыл жазда Қазақстан мен Катардың авиациялық билігі арасында өткен келіссөз барысында елдер арасындағы рұқсат етілген жиіліктер саны ұлғайтылды.»Осы келіссөздердің нәтижесі бойынша Qatar Airways «Алматы– Доха» бағыты бойынша тікелей тұрақты жолаушылар рейстерінің санын 2023-2024 жылғы күзгі-қысқы кезеңнен бастап аптасына 7-ден 14 ретке дейін (күніне 2 рейс) ұлғайтуды жоспарлап отыр», — делінген хабарламада.Сондай-ақ Qatar Airways жақын арада екі елдің астаналары арасында әуе рейстерін ашу мәселесін де қарастырып жатыр.Комитет екі ел арасындағы рейстер санының артуы туризм, инвестициялық, іскерлік және мәдени ынтымақтастықты одан әрі дамытуға ықпал ететінін атап өтті.FlyArystan Алматыдан Ақтөбеге тікелей рейстер ашады
