Астанада жаңажылдық отшашу қай жерде болады
Астанада жаңажылдық отшашу екі жерде болады, деп хабарлайды қала әкімдігінің баспасөз қызметі.31 желтоқсанда сағат 00:00-де алдымен Қазақстанның әнұраны шырқалады. Одан кейін Ботаникалық бақ пен «Атырау» көпірінің аумағынан отшашу тамашалауға болады. Әрбіреуі шамамен мың рет атылады.»Жаңа жылға арналған мерекелік отшашу демеушілер қаржысы есебінен ұйымдастырылады», — дейді әкімдік қызметкерлері.31 желтоқсаннан 1 қаңтарға қараған түні қаладағы үш жерде мерекелік іс-шаралар өтеді. Атап айтқанда, сағат 21:00-ден 02.00-ге дейін орталық алаңда, «Қазақ елі» монументі аумағында және ЭКСПО алаңында қазақстандық эстрада жұлдыздарының қатысуымен «Жаңа жыл түні» мерекелік концерті өтеді.Сондай-ақ, тұрғын үй алаптарында да мерекелік бағдарламалар ұйымдастырылады.