Астананы су басты: «Elorda eco system» директоры қызметінен кетті
Астананың нөсерлі кәріз жүйесінің дұрыс жұмыс істемей, салдарынан кейбір учаскелерді су басқаны үшін «Elorda eco system» директоры Тимур Шоданов қызметінен босатылды, деп хабарлайды қалалық әкімдік.»Отын-энергетика кешені және коммуналдық шаруашылық басқармасы мен «Elorda eco system» алдына жер үсті ағын суын бұруды қамтамасыз ету үшін тиісті іс-шаралар жүргізу міндеті қойылды. Олардың қатарында коллекторлар мен жаңбыр суын қабылдағыштарды тазарту, құбырларды булау, нөсерлі кәріз желісінің қуатын ұлғайту және т.б. бар», — делінген әкімдіктің хабарламасында.Әкімдіктің мәліметінше, 2023 жылы жер үсті ағын суын бұру үшін 2,5 км магистральдық нөсер кәріз желісін салу жоспарланып отыр. Мәселен осыған дейін 200-ден астам проблемалы учаскеде су басу мәселесі шешілген болатын.Еске сала кетейік, 6 тамыз күні Астанада толассыз жауған нөсер жаңбыр салдарынан елорда көшелерін су басқан болатын. Көшелерді жаңбыр суынан тазартуға 100-ден астам арнайы техника жұмылдырылды
