Биыл теннистен ATP 250 турнирі Алматыда өтеді
Кәсіби теннисшілер қауымдастығы (ATP) бірінші ATP 250 турнирін өткізуді Астанадан Алматыға ауыстыруды бекітті.АTP сайтында жарияланған күнтізбеге сәйкес Almaty Open 2024 жылғы 13-20 қазан аралығында өтеді.»Алматы АТР 250 сериясымен өтетін турнирді қабылдау құқығына заңды түрде ие болып отыр, өйткені өткен ғасырдың 20-шы жылдары осы қалада Қазақстан теннисі дами бастады», – деп атап өтті Қазақстан теннис федерациясының президенті Болат Өтемұратов.ATP 250 жарысы – шынында да әлемнің 30 елінде өтетін ауқымды спорт оқиғаларының бірі. Бұл санатқа 40 турнир кіреді, онда жеңгендер ATP рейтингісінде 250 ұпайға ие болады. Алдағы Almaty Open ATP турнирінің жүлде қоры 1 млн АҚШ долларынан асады.Бірінші жыл сайынғы ATP 250 турнирі Астанада 2020 жылы өткізілді. 2022 жылы турнир деңгейі бір рет ATP 500-ге көтерілді. Оған Новак Джокович, Стефанос Циципас, Даниил Медведев, Карлос Алькарас, Хуберт Хуркач, Андрей Рублев және басқа да жұлдыздар қатысты. Қазақстандық жарыс жыл сайын 110-нан астам ел аумағында көрсетіледі.
